इराकको पाँचतले सपिङ सेन्टरमा आगलागी हुँदा कम्तीमा ६१ जनाको मृत्यु भएको छ । 

इराकको पूर्वी सहर कुतमा नयाँ खुलेको पाँचतले सपिङ मलमा बुधबार राति भीषण आगलागी हुँदा ५० जनाको मृत्यु भएको बिबिसीले जनाएको छ। “एउटा प्रमुख सपिङ सेन्टरमा भएको दुःखद आगलागीमा पीडित, शहीद र घाइतेको सङ्ख्या करिब ५० जना पुगेको छ”, वासित प्रान्तका गभर्नर मोहम्मद अल–मियाहीले आधिकारिक आइएनए समाचार एजेन्सीलाई भने । एम्बुलेन्सहरूले बिहान ४ः०० बजेसम्म घाइतेहरूलाई अस्पतालमा लगिरहेका थिए । बगदादबाट करिब एक सय ६० किलोमिटर (एक सय माइल) दक्षिणपूर्वमा रहेको कुटको अस्पतालका वार्डहरू भरिएका थिए । अधिकांश निसास्सिएर मृत्यु भएको थियो। १४ वटा शव पूर्ण रूपमा जलेको र पहिचान नै गर्न नसक्ने अवस्थामा रहेको बिबिसीले जनाएको छ । 

घटनापछि इराकमा तीन दिन शोक घोषणा गरिएको छ । आगोको कारणबारे हालसम्म यकिन खुलासा नभए पनि स्थानीय प्रत्यक्षदर्शीहरूले दोस्रो तलामा एसी विस्फोट भएपछि आगो फैलिएको भनिएको छ।