नेपाल–चीन सिमानामा रहेको मितेरी पुल गत असार २४ गते रसुवास्थित भोटेकोशी नदीमा आएको बाढीले बगाएपछि उनीहरू केरुङमा अड्किएका थिए ।

बाढीका कारण नेपाल–चीन मितेरी पुल बगाएपछि स्वदेश फर्कन नपाएका नेपालीलाई आज सिन्धुपाचोकको तातोपानी नाका हुँदै नेपाल फर्काउन लागिएको हो । नेपाल सरकारको अनुरोधमा चीनको परराष्ट्र विभागले केरुङमा रोकिएका दुई सय तीन जनालाई आज तातोपानी नाका ल्याएर नेपाली पक्षलाई जिम्मा लगाएको रसुवाका सहायक प्रमुख जिल्ला अधिकारी द्रुवप्रसाद अधिकारी जानकारी दिनुभयो । जिल्ला प्रशासन कार्यालय सिन्धुपाल्चोकले जिम्मा लिएका उनीहरूलाई सीधै काठमाण्डौतर्फ ल्याइने पनि अधिकारीले जानकारी दिए । भोलि फर्कनेमा सवारी चालक र व्यवसायी र त्यहाँ घुम्न पुगेका मान्छे रहेका छन् । उनका अनुसार बाढी गएपछि चीनले उद्धार गरेर केरुङ पुर्‍याएका नेपालीलाई चीनले तातोपानी नाकासम्म पुर्‍याउने छ । साथै बाढीका कारण पाङसिङमा रहेका १३३ जना सवारी चालक, व्यवसायी र घुम्न पुगेका नेपालीलाई पनि चीनले तातोपानीसम्म पुर्‍याइदिने छ ।

बाढीका कारण अवरुद्ध भएको स्याफ्रु-रसुवागढी सडक खण्ड सञ्चालनमा आएको भए पनि मितेरी पुल सञ्चालन नआएका कारण अर्को नाकाबाट उनीहरूलाई नेपाल फर्काउन लागिएको हो ।