संघीय मामिला तथा सामान्य प्रशासन मन्त्रालयले गरेको स्थानीय सरकार संस्थागत क्षमता मूल्यांकनमा धादिङका दुई पालिका देशकै उत्कृष्ट बनेका छन् ।

मन्त्रालयले  देशभरीका ७५३ वटै स्थानीय सरकारको संस्थागत क्षमता मूल्यांकन गरेको थियो । जसमा नगरपालिकातर्फबाट नीलकण्ठ नगरपालिका ९३.५० अङ्क ल्याएर पहिलो भएको छ । त्यसैगरी गाउँपालिकातर्फ धादिङको बेनीघाट रोराङ गाउँपालिका ९१.७५ अङ्क ल्याएर पहिलो भएको छ ।नगरपालिकामध्ये धादिङको नीलकण्ठ नगरपालिका पहिलो हुँदा चितवनको खैरहनी नगरपालिका दोस्रो र रुपन्देहीको तिलोत्तमा नगरपालिका तेस्रो भएका छन् । त्यसैगरी गाउँपालिकामध्ये धादिङको बेनिघाट रोराङ गाउँपालिका पहिलो हुँदा गुल्मीको रुरुक्षेत्र गाउँपालिका दोस्रो र स्याङ्जाको अर्जुनचौपारी गाउँपालिका तेस्रो भएका हुन् ।

सुशासन,आर्थिक पारदर्शीता,जवाफदेहिता,प्रवाह भइ रहेका सेवा,सूचनाको हकलगायत विभिन्न सूचकमा नगरपालिकाले उत्कृष्ट नजिता ल्याएको छ,'उनले भने,‘जनप्रतिनिधि,कर्मचारीको काम र नगरबासीको सुझाव तथा उत्प्रेरणाले नीलकण्ठ नगरपालिका देशकै उत्कृष्ट नगरपालिका बनेको हो नीलकण्ठ नगरपालिकाका नगर प्रमुख भिमप्रसाद ढुंगानाले बताए ।

स्वमूल्याङ्कनका लागि कार्यविधिले विभिन्न १० वटा विषयक्षेत्र निर्धारण गरेको छ । त्यसमा शासकीय प्रबन्ध, सङ्गठन तथा प्रशासन, वार्षिक बजेट तथा योजना व्यवस्थापन, वित्तीय एवं आर्थिक व्यवस्थापन, सेवा प्रवाह, न्यायिक कार्यसम्पादन, भौतिक पूर्वाधार, सामाजिक समावेशीकरण, वातावरण संरक्षण तथा विपत व्यवस्थापन र सहकार्य तथा समन्वयलाई सूचक मानेर स्थानीय संस्थागत क्षमता स्वमूल्याङ्कन गर्ने गरिन्छ ।