त्रिपुरासुन्दरी गाउँपालिका स्तरीय प्रतिस्पर्धात्मक तीज गीत प्रतियोगिता कार्यक्रम २०८२ का तस्बिरहरू

शुक्रबार, भाद्र ६, २०८२

theme

नेपाली महिलाहरूको महान चाड हरितालिका तीजको अवसरमा त्रिपुरासुन्दरी गाउँपालिकाले गाउँपालिका स्तरीय प्रतिस्पर्धात्मक तीज गीत प्रतियोगिता कार्यक्रम उत्साहपूर्वक सम्पन्न भएको छ ।

 

 

प्रतियोगितामा चिसापानी आमा समूह, वडा नं. ५ प्रथम, चण्डेश्वरी लगनशील कृषि समूह, वडा नं. १ द्वितीय र सिउरेनी आमा समूह, वडा नं. ७ तृतीय भएका छन् । प्रतियोगितामा कुल २४ वटा समूहले सहभागिता जनाएका थिए । मौलिक तीज गीत, नृत्य र संस्कृति झल्काउने प्रस्तुतिहरु प्रस्तुत गर्दै प्रतियोगिताले स्थानीय समुदायमा उत्साह र एकताको वातावरण सिर्जना गरेको थियो ।

 

 

विजेताहरुलाई नगद पुरस्कारसहित सम्मान गरिएको छ । प्रथम हुने समूहले २५ हजार रुपैयाँ, दोस्रो हुने समूहले २० हजार रुपैयाँ, तेस्रो हुने समूहले १५ हजार रुपैयाँसहित प्रमाणपत्र प्राप्त गरेका छन् । अन्य सहभागी प्रत्येक टिमले ३/३ हजार रुपैयाँसहित प्रमाणपत्र प्राप्त गरे ।

 

 

कार्यक्रमलाई सम्बोधन गर्दै गाउँपालिका अध्यक्षले तीज गीत प्रतियोगिता जस्ता कार्यक्रमले संस्कृति संरक्षणसँगै महिला सशक्तिकरणमा ठूलो योगदान गर्ने उल्लेख गरे । उनले नयाँ पुस्तालाई मौलिक संस्कृतिप्रति आकर्षित गर्ने यस्ता कार्यक्रम निरन्तर गरिने बताए । गाउँपालिका उपाध्यक्षले तीज पर्व केवल धार्मिक वा सांस्कृतिक पर्व नभई महिलाको प्रतिभा प्रदर्शन, आत्मविश्वास अभिवृद्धि र सामाजिक पहिचान निर्माण गर्ने अवसर पनि भएको बताए ।

 

 

गाउँपालिका प्रवक्ताले प्रतियोगिताले स्थानीयस्तरमा प्रतिस्पर्धात्मक भावना र सामुदायिक सहकार्यलाई मजबुत बनाएको भन्दै आगामी दिनमा अझ व्यवस्थित र भव्य रुपमा सांस्कृतिक कार्यक्रम आयोजना गरिने जानकारी दिए । निवर्तमान उपाध्यक्ष देवी पाण्डे बुर्लाकोटीले भने महिला र पुरुष दुवै मिलेर संस्कृतिको जगेर्ना गर्नुपर्नेमा जोड दिँदै तीज गीत प्रतियोगिता त्यसतर्फको राम्रो अभ्यास भएको बताए ।

 

 

त्यसैगरी, वडा अध्यक्षहरुले प्रतियोगितामा देखाइएको महिलाको सहभागिता र प्रस्तुति प्रशंसा गर्दै यसले समाजमा सकारात्मक सोच र सामुदायिक एकता बढाएको धारणा राखे ।

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 


यो खबर पढेर तपाईलाई कस्तो महसुस भयो ?
100%

0%

0%

0%

0%

अनि यो पनि

  • थप पढ्नुहोस् :
  • गुरास मिडिया हाउसद्वारा प्रकाशित सम्पूर्ण सामग्रीहरु ओखर न्यूज डट कमका सम्पत्ति हुन्।

    यसमा प्रकाशित कुनै पनि सामग्रीहरु पुन:प्रकाशन वा प्रसारण गर्नुअघि अनुमति लिनुहोला।

    गुरास मिडिया हाउसद्वारा संचालित

    ओखर न्यूज डट कम, OkharNews.com

    कार्यालय: नीलकण्ठ न.पा.-३, धादिङबेशी, धादिङ

    Email: [email protected]

    सम्पर्क फोन: ९८५१२३६३८६, ९८४८५६५६५४

    सञ्‍चार रजिष्ट्ररको कार्यालय

    प्रेस काउन्सिल द.नं. - ४७२१/०८१-०८२

    सञ्चार रजिष्ट्रारको कार्यालय,वागमती प्रदेश द.नं. - ००२८०/०८१-०८२

    अध्यक्ष तथा प्रबन्ध निर्देशक – सन्तोष श्रेष्ठ

    सम्पादक – अस्मिता कडवाल

    व्यवस्थापक – शारदा अधिकारी

    फोटो / सम्पादन – भिषण श्रेष्ठ