हरेक वर्ष भदौ कृष्णऔँसीका दिन मनाइने पर्व आज कुशे औँसी अर्थात् पितृ औँसी, घर–घरमा कुश भित्र्याउने धार्मिक परम्परासँगै बुबाको मुख हेर्ने दिन पनि मनाइँदैछ ।

वैदिक सनातन परम्पनुसार भाद्र कृष्ण औँसीका दिन पवित्र घाँस कुश घरमा पूजा गरी उखेलेर जजमानकहाँ पुर्‍याइएको कुश घरमा राख्नाले परिवारको कल्याण हुने धार्मिक विश्वास छ ।  यस दिनदेखि औँसीसम्मको १५ दिनलाई महालय पक्षा वा श्राद्धपक्ष भनिन्छ, जसमा पितृहरुको सम्झनामा श्राद्ध, तर्पण र दान गर्ने चलन छ ।यस दिनमा छोराछोरीले परम्पराअनुसार आ–आफ्ना बाबुलाई भोजन र उपहार दिने र बाबुको मुख हेर्ने गर्छन् । बुबा दिवंगत भएका परिवारले भने पितृलाई श्राद्ध, तर्पण र दान गरेर श्रद्धाञ्जलि अर्पण गर्ने गर्दछन् ।

आजको दिन थोरै दान गरेपनि हजारौँ गुणा बढी फल पाइने भएकाले पनि कुशे औँसीलाई धर्म, संस्कृति र पितृश्रद्धासँग जोडिएको महत्वपूर्ण दिनका रूपमा लिइन्छ ।