नेपाल पत्रकार महासंघ धादिङले बागमती प्रदेशका आन्तरिक मामिला तथा कानून मन्त्री शिवराज अधिकारीलाई एक विशेष समारोहका बीच सम्मान गरेको छ ।

शनिवार धादिङबेसीमा आयोजित कार्यक्रममा पत्रकार महासंघ धादिङका पदाधिकारी तथा स्थानीय पत्रकारहरुले मन्त्री अधिकारीलाई दोसल्ला र सम्मानपत्र प्रदान गरेका थिए । सम्मान कार्यक्रम पछि वोल्दै मन्त्री अधिकारीले पत्रकारिता भनेको समाजको ऐना हो, आंफु जस्तो र जे अवस्थामा छ ऐनाले त्यहि देखाईदिने हुनाले ऐनामा देखिएपछि भन्दा देखिनु अघिनै हरेक व्यक्तिले आंफु चनाखो हुनुपर्ने बताउनु भयो । लोकतन्त्रको मूल आधार नै स्वतन्त्र र उत्तरदायी पत्रकारिता भएको उल्लेख गर्दै आगामी दिनमा सञ्चार क्षेत्रलाई अझ मजबुत बनाउन प्रदेश सरकार सधैं सहयोगी बन्ने आश्वासन दिएका थिए । उनले पत्रकार र सञ्चारकर्मीहरुले आचारसंहितामा रहेर काम गर्दा मात्र समाजलाई सही सूचना प्रवाह हुने र लोकतान्त्रिक अभ्यास अझ सबल हुने निडर, निरन्तर र इमान्दारीताका साथ आफ्नो जिम्मेवारी बहन गर्न सबैले प्रतिबद्ध हुनुपर्ने मन्त्री अधिकारीले जोड दिनु भयो ।

कार्यक्रममा नेपाल पत्रकार महासंघ धादिङका अध्यक्ष सीताराम अधिकारीले  नेपाल पत्रकार महासंघ धादिङले विगतदेखि नै सञ्चारकर्मीहरुको क्षमता विकास, तालिम, अभिव्यक्ति स्वतन्त्रताको संरक्षण र पत्रकारहरूको हकहितको पक्षमा निरन्तर काम गर्दै आएको छ। श्रमजीवी पत्रकारकाे न्यायका लागि कानुन र कार्यक्रम ल्याउन आग्र गर्दै रेडियाे, टिभि, अनलाइन पत्रपत्रिकामा समानुपातिक विज्ञापन निति रकार्यक्रममा ल्याउने विस्वास व्यक्त गर्नुभयाे ।

मन्त्री अधिकारीले नेपाल पत्रकार महासंघ धादिङका संस्थापक सीताराम वर्माको शालिकमा पुष्पगुच्छा अर्पण समेत गर्नु भएको थियो ।

नेपाल पत्रकार महासंघ धादिङका पदाधिकारी, सदस्य तथा जिल्लाका विभिन्न सञ्चारगृहमा कार्यरत पत्रकारहरुको उपस्थिती रहेको थियो ।