दशैँलाई लक्षित गरी साझा यातायात सहकारी संस्था लिमिटेडले चाडपर्वको अवसरमा घर फर्किने तथा बाहिर जाने यात्रुहरूलाई लक्षित गरी सस्तो, सहज र भरपर्दो बस सेवा सञ्चालन गरेको छ । 

असोज ७ गतेदेखि कोजाग्रत पूर्णिमासम्म यात्रुको बढ्दो भीडलाई व्यवस्थापन गर्ने उद्देश्यले साझा यातायातले विशेषगरी काठमाडौँ देखि नारायणगढसम्म र त्यस आसपासका क्षेत्रमा जान चाहने यात्रुहरूका लागि आफ्नो बससेवा विस्तार गरेको छ ।  एकतर्फी भाडाको रूपमा ३०० रुपैयाँ बुझाउनुपर्नेछ र अनिवार्य रूपमा साझा यातायातको टिकट लिनुपर्ने व्यवस्था गरिएको छ । साझा यातायातले यात्रुहरूलाई बिहान ७ बजेदेखि प्रत्येक एक घण्टाको फरकमा कलंकी बसपार्कबाट प्रस्थान गर्नेछन् । बिहान ७ बजे, ८ बजे, ९ बजे, १० बजे, ११ बजे र १२ बजेसम्म सञ्चालन हुनेछ ।

टिकट बिना यात्रा गर्ने यात्रुहरूलाई प्रचलित कानुन बमोजिम कारबाही गरिने संस्थाले स्पष्ट पारेको छ । चाडपर्व सहज र सुरक्षित बनाउन साझाले गरेको यो प्रयासप्रति सर्वसाधारणको लागि निकै राहत पुग्ने अपेक्षा गरिएको छ ।