आईसीसी टी–२० विश्वकप एशिया तथा इस्ट एशिया प्यासिफिक छनोटका खेल आजदेखि ओमानमा शुरू,पहिलो दिन नेपालले आज कुवेतसँग खेल्दैछ । 

अक्टोबर ८ देखि १७ सम्म ओमानको अल अमेरातस्थित क्रिकेट एकेडेमी मैदानमा हुनेछ । अल अमेरतस्थित ओमान क्रिकेट एकेडेमी मैदान टर्फ–१ मा हुने यो खेल नेपाली समयअनुसार राति ८ः४५ बजेदेखि सुरु हुनेछ । समूह ‘बी’मा नेपालसँगै कुवेत र जापान छन् । नेपालले दोस्रो खेल शुक्रबार जापानसँग खेल्ने छ,भने आजै समुह ए का कतार र युएई तथा समुह सी का ओमान र सामोआ पनि खेल्दैछन् ।  प्रतियोगितामा छनोट भएका ९ टोली सहभागी छन् । समूहको शीर्ष दुईमा रहने टोली सुपर–सिक्समा पुग्नेछ । सुपर–सिक्समा ६ टोलीमध्ये शीर्ष तीनमा पर्ने टोलीले आउँदो वर्ष भारत र श्रीलङ्कामा हुने टी–२० विश्वकप खेल्न पाउनेछन् ।

क्यानले विश्वकप छनौट खेल्न रोहित पौडेलको कप्तानीमा,दीपेन्द्र ऐरी (उपकप्तान),कुशल भुर्तेल,लोकेश बम,कुशल मल्ल,आसिफ सेख,मोहम्मद आदिल आलम,करण केसी,नन्दन यादव, सन्दीप लामिछाने,सन्दीप जोरा, आरिफ सेख,ललित राजवंशी,गुल्शन झा र सोमपाल कामी रहेका छन् ।