आज कार्तिक शुक्ल एकादशी हरिबोधिनी (प्रबोधिनी) हरिबोधनी एकादशीलाई वर्षभरमा पर्ने चौबीस एकादशीमध्ये सबैभन्दा पवित्र र महत्वपूर्ण त्यसैले यो एकादशीलाई सामान्यतया ‘ठूलो एकादशी’ पनि भनिन्छ ।

हिन्दू धर्मअनुसार एकादशीको दिन भगवान विष्णुको आराधना र उपासना गरि तुलसीको विवाहको दिन भनेर पनि चिनिन्छ । चार महिनादेखि योगनिद्रामै रहेका भगवान् विष्णु आज उठ्नुभएको विश्वास गरिँदै आएको छ । यो दिनलाई हिन्दू धर्मावलम्बीहरूले अत्यन्त शुभ र पवित्र मान्छन् । हरिबोधिनी एकादशीलाई तुलसी विवाहको दिनका रूपमा पनि चिनिन्छ ।
आजको दिन तुलसी विवाहको अवसरमा मन्दिर र घर आँगनमा रंगीन सजावट, दीप प्रज्वलन, फूलमाला र भजन–कीर्तन गरि तुलसी र शालिग्राम (भगवान् विष्णुको प्रतीक) बीच वैवाहिक विधि सम्पन्न गरिन्छ । तुलसी–शालिग्रामको विवाह गरेपछि मात्र कार्तिक महिनाका धार्मिक कार्यहरू, पूजापाठ र शुभकर्महरू सुरु हुने परम्परा छ ।

यस दिन भक्तजनहरूले भगवान विष्णुलाई सख्खरखण्ड, पिँडालु, कन्दमूल र फलफूल अर्पण गरी प्रसादका रूपमा ग्रहण गर्छन् । देशभरका मन्दिरहरूमा बिहानैदेखि भक्तजनको भीड लागेको छ । श्रद्धालुहरूले उपवास बसेर भगवान् विष्णु र तुलसीको पूजा आराधना गर्दै परिवारको सुख, शान्ति र समृद्धिका लागि पूजा गर्ने चलन पनि रहेको छ ।