नेपाल प्रहरीले सार्वजनिक गरेको तथ्याङ्क अनुसार गएको असोज महिनामा देशभर एक सय ८५ वटा आगलागीका घटना भएका छन् ।

असोजमा आगलागीबाट ५३ घर र १९ गोठमा क्षति पुग्दा १० जना विस्थापित भएका छन् भनी  आगलागीका घटनामा एक जनाको ज्यान गएको छ भने २२ जना घाइते भएका छन् । यस्तै आगलागीमा परी २० चौपाया मरेका छन् ।असोज महिनामा भएका आगलागीमध्ये सबैभन्दा बढी घटना तराईका जिल्लाहरूमा दर्ता भएका छन् । असोज महिनामा प्रदेशगत रूपमा कोशी प्रदेशमा सबैभन्दा धेरै ४२ वटा आगलागीका घटना भएका छन् । यस्तै मधेशमा ४०, बागमतीमा ९ , गण्डकीमा १८, लुम्बिनीमा ३०, कर्णालीमा १२ र सुदूरपश्चिममा १८ वटा आगलागीका घटना भएका प्रहरीको तथ्याङ्क छ । यस्तै काठमाण्डौ उपत्यका आगलागीका १६ वटा घटना भएका छन् ।

आगलागीका घटनाबाट पाँच करोड १४ लाख रुपैयाँ बराबरको क्षति भएको प्रहरीको तथ्याङ्क छ,केही घटनामा स्थानीय बासिन्दा र दमकलकर्मीको सक्रियतामा आगो नियन्त्रणमा लिन सफल भए पनि कतिपय ठाउँमा ढिला सूचना र पानी अभावका कारण ठूलो क्षति पुगेको छ । यस अवधिमा एक हजार तीन सय ३० जना प्रहरी परिचालन भएका छन् ।