मौरीपालन व्यवसायलाई प्रवर्द्धन गर्न तथा धादिङ जिल्लामा बसोबास गर्ने भू.पू. सैनिक, भू.पू. सैनिक एकल महिला तथा बहालवाला सैनिकका परिवारलाई आत्मनिर्भर बनाउने उद्देश्यले धादिङ जिल्लाको नीलकण्ठ नगरपालिका–३, धादिङबेसीमा तालिम सुरु गरिएको छ ।

कार्यक्रमको संयोजन हिताधिकारी कल्याण केन्द्र, बागमती प्रदेश र नेपाली राष्टि्य भूत पूवॅ सैनिक संध धादिङको साझेदारीमा भएको आधारभूत मौरीपालन तालिममा २५ जना कृषकहरुले तालिम लिएका छन् । कार्यक्रममा प्रमुख अतिथिका रुपमा बोल्दै  लाल बहादुर गुरुङले उपस्थित सहभागीहरूलाई सम्बोधन गर्दैनेपाली सेना कल्याणकारी बोर्डले विशेष गरी भू.पू. सैनिक र तिनमा आश्रित परिवारजन, एकल महिला र बहालवाला सैनिकका आश्रित परिवारहरुकाको वहत्तर हितको लागि संचालित कल्याणकारी कार्यक्रमहरूलाई नयाँ चिन्तन र मनन सहित अझै प्रभावकारी र विस्तार गरी उनीहरूको चाहना र आवश्यकता अनुसार घरदैलोसम्म पुगाउने योजना अनुसार सम्बन्धित विशेषज्ञद्वारा यस जिल्लामा बसोबास गर्ने भू.पू. सैनिक, भू.पू. सैनिक एकल महिला तथा बहालवाला सैनिकका परिवारलाई लक्षित जीवनस्तर उकास्न सहयोग पुर्‍याउने बताउनुभयो ।

उक्त तालिमको कार्यक्रमका सभापति बिणु प्रसाद ढुंगानाले घरधन्दा तथा खेतीपातीका काममा व्यस्त रहने गृहिणीहरुका लागि यस तालिमले उद्यमशील बनाउँन सहयोग पुर्‍याउने बताए । महिलाहरुको क्षमता, सीप विकास गराउँदै उनीहरुलाई स्वरोजगार बनाउने आफ्नो चाहना रहेको उनले बताए ।

नेपाली सेना भैरवगण सुरक्षा गुल्म धादिङका सेनानी श्री उद्धव खरेलले तालिमलाई तालिममा मात्र सिमित नराख्न र मौरी पालनलाई ब्यवसायिक बनाउँदै आर्थिक उन्नतिमा लाग्न तालिमपश्चात उत्पादनसित जोडिन अनुरोध गर्नुभयो । 

कार्यक्रममा भूतपूर्व सैनिक कृषि सहकारीसंस्था लि का अध्यक्ष प्रेम नारायण श्रेष्ठ,उपसभापति भक्त बहादुर सिमखडा,सचिव हरि कुमार श्रेष्ठ,गोबिन्दबहादुर कार्की,वीरबहादुर तिमल्सिना तथा सरोकारवालाहरूको पनि आतिथ्यता रहेको थियो ।