बर्दियाको बढैयाताल गाउँपालिका–७ कण्ठपुर क्षेत्रवाट बर्दिया प्रहरीले लागु औषध ब्राउन सुगरसहित दुई जनालाई पक्राउ गरेको छ ।
भारतको सीमावर्ती बजार बलैगाउँबाट ५ ग्राम ७ सय ९० मिलीग्राम लागु औषध ब्राउन सुगरसहित बर्दिया प्रवेश गरेका उनिहरुलाई बढैयाताल गाउँपालिका–७ कण्ठपुर क्षेत्रवाट पक्राउ गरेको हो ।
प्रहरी चौकी कालिका वाट खटिएको प्रहरी गस्ति टोलीले शंका लागी चेक जाँच गर्दा सुर्खेत वीरेन्द्रनगर पालिका–२ ठउरीका २४ वर्षीय रामबहादुर नेपाली र सोही ठाउँका २१ को रामचन्द्र थापा पक्राउ परेको जिल्ला प्रहरी कार्यालय,बर्दियाका सूचना अधिकारी एंव डीएसपी ऋषिराम घर्तीमगरले जानकारी दिनु भयो ।
मोटरसाइकलमा आएका उनीहरूले हेल्मेट भित्र लुकाई प्लास्टिकको पोकामा राखेर ब्राउन सुगर ल्याएको प्रहरीले बताएको छ। पक्राउ परेका दुवै जनामाथि आवश्यक थप अनुसन्धानका लागि जिल्ला अदालतबाट ५ दिनको म्याद थप गरिएको छ ।
गुरास मिडिया हाउसद्वारा प्रकाशित सम्पूर्ण सामग्रीहरु ओखर न्यूज डट कमका सम्पत्ति हुन्।
पुन:प्रकाशन अघि अनुमति लिनुहोला।
सूचना
प्रेस काउन्सिल द.नं. - ४७२१
अध्यक्ष – सन्तोष श्रेष्ठ
सम्पादक – अस्मिता कडवाल
