चलचित्र ‘राजागंज’को ट्रेलर सार्वजनिक भएको छ,चैत १ गतेबाट प्रदर्शनमा आउने चलचित्रलाई दीपक रौनियार निर्देशन गरेका छन् । 

आन्दोलन चलिरहेका बेला त्यसबाट सचेत हुँदै प्रहरीले दुई बालकलाई खोज्न तयार गरेको रणनीति ट्रेलरमा समावेश छ । अपहरणमा परेका सभासद र विद्यालयकी प्रधानध्यापकका छोरालाई छुटाउन प्रहरीले गरेको अप्रेसनलाई ट्रेलरमा देखिन्छ ।

चलचित्रमा आशा र दयाहाङसँगै विजय बराल, ऋचा शर्मा, पशुपति राई, पूर्वमिस नेपाल निकिता चाण्डक, गौमाया गुरुङलगायत कलाकारको अभिनय छ । निर्देशक रौनियारले ‘राजागंज’ आफ्नो करिअरकै ठूलो सिनेमा रहेको बताए । ट्रेलर सार्वजनिक गर्दै उनले यसअघि आफूले यति ठूलो ‘स्केल’मा चलचित्र नबनाएको बताए ।