धादिङ जिल्लाको नीलकण्ठ नगरपालिका–३ मा हुन लागेको बागमती प्रदेश स्तरीय महिला भलिबल प्रतियोगिताको आयोजक संस्थाले मंगलवार गरेको पत्रकार सम्मेलनमा सबै तयारी पूरा भएको जानकारी दिएको हो ।

प्रतियोगिता पौष ९ गतेदेखि १२ गतेसम्म सञ्चालन हुनेछ । पहिलो खेल भोलि बिहान ८ बजे आयोजक धादिङ भर्सेस मकवानपुर आमने सामने हुनेछन् । सहभागी टिमहरुलाई चार समूहमा बिभाजन गरिएको छ । जस्मा समूह ए मा धादिङ,मकवानपुर र सिन्धुली रहेको छ भने समूह बि मा नुवाकोट र रामेछाप रहेको छ । त्यस्तै समूह सि मा चितवन सिन्धुपाल्चोक र समूह डी मा रसुवा र धादिङ बी रहेको छ । उद्घाटन खेल दिउँसो २ बजे धादिङ टिम ए र सिन्धुलीबीच हुने भलिबल संघ धादिङका अध्यक्ष अमृत गुरुङ (तिलक) ले जानकारी दिनुभयो ।

जिल्लाकै ठूलो धनराशी पुरस्कार भएको सो प्रतियोगितामा खेलभरीकै उत्कृष्ठ खेलाडी तथा विधागत उत्कृष्ठ खेलाडीलाई समेत पुरस्कृत गरिनेछ । प्रतियोगितामा प्रथम हुनेले नगद २ लाखसहित ट्रफी, मेडल र प्रमाण–पत्र पाउनेछन् भने द्वितीय हुनेले नगद १ लाखसहित ट्रफी, मेडल र प्रमाण–पत्र र तृतीय हुनेले नगद ५० हजारसहित ट्रफी, मेडल र प्रमाण–पत्र पाउनेछन् । बागमती प्रदेश अन्तर जिल्ला महिला भलिबल प्रतियोगितामा बागमती प्रदेश भित्रका ८ जिल्लाबाट ९ टिम सहभागी हुने धादिङबाट टिम ‘ए’ र ‘बि’ र अरु जिल्लाबाट १/१ टिम रहने धादिङ, नुवाकोट, रसुवा, चितवन, मकवानपुर, सिन्धुली, रामेछाप, सिन्धुपाल्चोक रहने छन् । प्रत्येक जिल्लाबाट उत्कृष्ट महिला खेलाडीहरू सहभागी हुने भएकाले प्रतियोगिता निकै प्रतिस्पर्धात्मक र रोमाञ्चक हुने संघका सचिब बिकास कोइरालाले बताउनुभयो ।

चार दिनसम्म चल्ने प्रतियोगिताका खेलहरू धादिङबेसीस्थित खेल मैदानमा सञ्चालन हुनेछन् । प्रतियोगितालाई भव्य र व्यवस्थित बनाउन स्थानीय युवा क्लब, खेलप्रेमी तथा सरोकारवाला निकायको सहकार्य रहने आयोजकले जनाएको छ ।