दियो पोस्टमा प्रकाशित समाचारप्रति आफ्नो गम्भीर आपत्ति जनाउँदै समाचारमा उल्लेख गरिएको लेनदेन सम्बन्धी विषयमा आफूलाई कुनै पनि पक्षबाट सोधपुछ नगरिएको स्पष्ट पार्नुभयो ।

देव श्रेष्ठका अनुसार विगतमा रोबर्ट धमलासँग रहेको लेनदेन कारोबार पूर्ण रूपमा मिलिसकेको छ र हाल कुनै बाँकी विषय नरहेको बताउनुभयो। “मेरो नाम जोडेर अपूर्ण र एकतर्फी ढंगले समाचार प्रकाशित गर्नु दुःखद् छ,” उहाँले भन्नुभयो । साथै, छोरासँगको व्यक्तिगत कारोबारलाई जोडेर रमेश धमलाप्रति भ्रम फैलाउने प्रयास नगर्न आग्रह गर्नुभएको छ। उहाँले रमेश धमला धादिङ क्षेत्र नम्बर २ का प्रतिनिधिसभा उम्मेदवार रहेको उल्लेख गर्दै पारिवारिक वा व्यक्तिगत विषयलाई राजनीतिक प्रसङ्गसँग जोड्नु उपयुक्त नहुने धारणा व्यक्त गर्नुभयो ।

श्रेष्ठले सञ्चारमाध्यमहरूलाई समाचार प्रकाशन अघि सम्बन्धित पक्षसँग सत्य–तथ्य बुझेर मात्र सामग्री सार्वजनिक गर्न आग्रह गर्नुभएको छ ।  साथै, यस्ता भ्रामक सामग्रीले व्यक्तिगत प्रतिष्ठामात्र होइन, समग्र राजनीतिक वातावरणमा पनि नकारात्मक असर पार्ने बताउनुभयो ।

उहाँले सत्य तथ्य बाहिर ल्याउन र भ्रमको अन्त्य गर्न सबै पक्षलाई जिम्मेवार बन्न आग्रह गर्नुभएको छ ।