ग्यासको भाउ सिलिन्डरमा १२ रुपैयाँ ७५ पैसा बढाउने सहमति भएको छ,सरकार र सङ्घबीच पाँच बुँदे सहमति भएको छ ।यो सँगै उद्योगीले आन्दोलन फिर्ता लिएका छन् ।

सहमतिसँगै अब ग्यासको भाउ प्रतिसिलिन्डर १ हजार ९ सय १० रुपैयाँबाट बढेर १ हजार ९ सय २२ रुपैयाँ ७५ पैसा पुगेको छ।

सिंहदरबारमा रहेको उद्योग, वाणिज्य तथा आपूर्ति मन्त्रालयमा आज भएको सरकार र नेपाल एलपी ग्यास उद्योग सङ्घबीच ग्यासको भाउ १२ रुपैयाँ ७५ पैसा बढाउने सहमति भएको हो।

ग्यास उद्योगको बाह्य ढुवानी भाडा, आन्तरिक ढुवानी भाडा, सञ्चालन तथा प्रशासनिक खर्च रकममा समायोजन गरी साविकको खर्चमा प्रतिसिलिन्डर १२ रुपैयाँ ७५ पैसाले वृद्धि गरेको सहमतिको १ नम्बर बुँदामा भनिएको छ ।