धादिङ प्रहरीले ३० किलोग्राम लागूऔषध (गाँजा) सहित दुई जनालाई पक्राउ गरेको छ ।

वुधवार  साँझ करिब ७:३० बजे गजुरी गाउँपालिका–२ रातमाटे स्थित चालिसेमाचेकजाँचका क्रममा प्रहरीले  बा.प्र.०२–०५३ प ६६९३ नम्बरको २२० सीसी पल्सर मोटरसाइकलको पछाडि राखिएको निलो सुटकेसभित्र पहेँलो टेपले बेरिएका चार वटा पोका फेला पारेकाे थियाे । पोकाभित्र लुकाइछिपाइ ल्याएको करिब ३० किलोग्राम गाँजा बरामद गरिएको पनि प्रहरीले जनाएको छ ।

प्रहरीले उक्त लागूऔषधसहित मोटरसाइकल चालक धादिङ गजुरी गाउँपालिका–३ बस्ने वर्ष ३५ का सञ्च बहादुर खुलाल तामाङ र अर्को मोटरसाइकल बा ६२ प १२८६ नम्बरका चालक वर्ष २२ का बिरेन्द्र रुम्बा तामाङलाई नियन्त्रणमा लिएको छ । बरामद गरिएको लागूऔषध तथा सवारीसाधन लागूऔषध नियन्त्रण ऐन, २०३३ बमोजिम मुद्दा दर्ता गरिएको प्रहरीले जनाएको छ ।

धादिङ जिल्ला अदालतबाट १२ दिनको म्याद थप अनुमति लिई इलाका प्रहरी कार्यालय गजुरीबाट थप अनुसन्धान भइरहेको जिल्ला प्रहरी कार्यालय धादिङका प्रवक्ता प्रहरी नायव उपरीक्षक प्रकाश दाहालले बताउनु भयाे।