धादिङ जिल्लाका स्थानीय तहहरूको संयुक्त आयोजनामा प्रतिनिधि सभा सदस्य निर्वाचन–२०८२ बाट निर्वाचित माननीय सांसदहरूलाई एक विशेष समारोहका बीच बधाई तथा शुभकामना ज्ञापन गरिएको छ ।

धादिङबेसीमा आयोजित उक्त कार्यक्रममा जिल्लाका प्रत्यक्ष तथा समानुपातिक प्रणालीमार्फत निर्वाचित प्रतिनिधि सभा सदस्यहरूलाई सम्मान  कार्यक्रममा नेपाल नगरपालिका संघका अध्यक्ष तथा नीलकण्ठ नगरपालिकाका नगर प्रमुख भीमप्रसाद ढुँगानाको अध्यक्षतामा भएको थियो ।

स्थानीय तहका प्रमुख, उपप्रमुख तथा जनप्रतिनिधिहरूले प्रतिनिधि सभा सदस्यहरूमा क्षेत्र नम्बर २ बाट प्रत्यक्षतर्फ निर्वाचित सांसद बोधनारायण श्रेष्ठ, त्यस्तै समानुपातिक प्रणालीमार्फत निर्वाचित सांसदहरूमा उर्मिला थपलिया, बसुमाया तामाङ,डा. पुष्पराज कँडेल, गंगादेवी श्रेष्ठ तथा सरस्वती लामा खादा, माला र सम्मानपत्रसहित अभिनन्दन गरिएको थियो ।

सांसद बोध नारायण श्रेष्ठको भनाइ अनुसार विगतका अभ्यासहरू परिवर्तन गर्ने प्रतिबद्धता व्यक्त गरेका छन् । उनले पारदर्शिता, सहकार्य र आवश्यकता आधारित विकासमा जोड दिँदै स्थानीय तहसँग मिलेर काम गर्ने बताएका छन् ।

स्थानीय तहहरूको सहकार्यमा आयोजित यस प्रकारको सम्मान कार्यक्रमले जनप्रतिनिधिहरूबीच सहकार्य र समन्वयलाई अझ सुदृढ बनाउने विश्वास कायम गर्न र स्थानीय सरकारले आफ्ना योजनाहरू संघीय बजेट र नीतिमा समेट्नका लागि सांसदहरूको साथ आवश्यक पर्ने हुनाले, यो कार्यक्रमले जनप्रतिनिधिहरूबीच प्रारम्भिक संवादको वातावरण तय गर्ने नीलकण्ठ नगरपालिकाका मेयर एवं नगरपालिका महासंघ नेपालका अध्यक्ष भीम प्रसाद ढुंगानाले बताए ।

कार्यक्रममा जनप्रतिनिधिहरूले नव–निर्वाचित सांसदहरूलाई सफल कार्यकालको शुभकामना दिँदै जिल्लाको समग्र विकास, सुशासन र जनसेवामा प्रभावकारी भूमिका निर्वाह गर्न आग्रह गरेका थिए । साथै, संघीय संसदमा धादिङको आवाज सशक्त रूपमा उठाउने विश्वास समेत व्यक्त गरिएको थियो हो ।

नीलकण्ठ नगरपालिका, धुनीबेंसी नगरपालिका, थाक्रे गाउँपालिका, बेनीघाट रोराङ गाउँपालिका, सिद्धलेक गाउँपालिका, ज्वालामुखी गाउँपालिका, नेत्रावती डवजोङ गाउँपालिका, खनियावास गाउँपालिका, गंगाजमुना गाउँपालिका, रुवीभ्याली गाउँपालिका, गल्छी गाउँपालिका, गजुरी गाउँपालिका र त्रिपुरासुन्दरी गाउँपालिकाको संयुक्त आयोजनामा भएको हो ।

​