त्रिपुरासुन्दरी गाउँपालिका–१ सल्यानटारस्थित बुढीगण्डकी र नेत्रावती नदीको संगमस्थलमा रहेको धार्मिकस्थल *नृसिंहधाम*मा पुरुषोत्तम महामहोत्सव धादिङ जिल्लाकै पहिलो ऐतिहासिक नृसिंहधाम पुरुषोत्तम महामहोत्सव आजदेखि शुरु हुँदैछ ।

नृसिंहधाम पुरुषोत्तम महामहोत्सव उद्‌घाटन अघि बिहान ९ बजे त्रिपुरासुन्दरी गाउँपालिका वार्ड नं २, सित्तल बजार कार्यालय अगाडिबाट कलश यात्रा शुरु हुनेछ । नृसिंहधाममा पुरुषोत्तम महामहोत्सवको उद्घाटन बागमती प्रदेश सरकारका माननीय मुख्यमन्त्री इन्द्रबहादुर बानियाँले उद्‌घाटन गर्ने कार्यक्रम छ । महायज्ञ व्यवस्थापनका लागि ५१ वटा मूल आयोजक समिति गठन गरिएको छ, जसमा संयोजक, उपसंयोजक, वरिष्ठ सदस्य, विशेष सदस्य र सदस्यहरू समावेश छन् । कोटीहोम अवधिभर श्रीमद्भागवत कथा, राम कथा, शिवमहापुराण कथा, हनुमत कथा, श्रीमददेवी भागवत कथा जस्ता दिव्य कथावाचन गरिने नृसिंहधाममा पुरुषोत्तम महामहोत्सवको मूल आयोजक समिति संयोजक फणिकान्त छत्कुलीले जानकारी दिनुभयो ।

करिब २० एक लाख भन्दा बढी भक्तजन सहभागी हुने आयोजकको दावी छ ।धार्मिक आस्थाको केन्द्रका रूपमा रहेको नृसिंहधाममा पुरुषोत्तम महिनामा चामलमाथि दियो बालेर गरिने संकल्प तथा मनोकामना पूरा हुने जनविश्वास रहँदै आएको छ ।हाल धाम क्षेत्रमा गुरूकुल भवन, प्रसादी गृह, अतिथि आवास, गौशाला लगायतका पूर्वाधार निर्माण सम्पन्न भइसकेका छन् । महिना भरि लाखौँ भक्तजनका लागि निःशुल्क भोजन प्रसादी वितरण तथा आगन्तुक पाहुनाका लागि आवास व्यवस्थापन समेत गरिएको छ । महोत्सव अवधिभर भक्तजनहरूले हवनकर्म, पुरुषोत्तम स्नान, कथा श्रवण तथा धार्मिक प्रवचनजस्ता कार्यक्रम सञ्चालन हुनेछन् । भक्तजनहरूले आफ्ना गोत्रअनुसारका कुण्डमा पितृ, सन्तति तथा व्यक्तिगत कल्याणका लागि हवन गर्न सक्ने व्यवस्था मिलाइएको प्रबक्ता कुस बहादुर सिटौलाले बताए ।

ऐतिहासिक नृसिंहधाम पुरुषोत्तम महामहोत्सव अवधिभर संकलन हुने सहयोग राशीको पारदर्शी व्यवस्थापन गर्दै शेष रकमबाट नृसिंहधाममा मन्दिरको विकासमा खर्च गरिने जानकारी पनि आयोजकले दिएको छ।