धादिङमा सार्वजनिक वनको जग्गा अतिक्रमण गरेर निर्माण गरिएको एक पक्की व्यवसायिक भवन डोजर लगाएर भत्काइएको छ ।
डिभिजन वन कार्यालय धादिङका प्रमुख रोशना पोखरेलका अनुसार पृथ्वी राजमार्ग अन्तर्गत बेनिघाट रोराङ गाउँपालिका–३ शीतलबजार नजिक सार्वजनिक वन क्षेत्र मिचेर निर्माण गरिएको भन्दै उक्त भवन भत्काएको हो । लामो समयदेखि विवादमा रहेको उक्त संरचना भत्काउन अदालतले २०७९ साल पुष महिनामै आदेश दिएको थियो । अदालतको आदेश कार्यान्वयन गर्न पटक–पटक ताकेता भएपछि आज डोजर प्रयोग गरेर भवन हटाइएको उहाँले ओखर न्यूज डट कमलाई जानकारी दिनुभयो ।
वन क्षेत्र अतिक्रमण गरी निर्माण गरिएका संरचनामाथि कानुनी प्रक्रिया अनुसार कारबाही गरिने डिभिजन वन कार्यालय धादिङले जनाएको छ ।
गुरास मिडिया हाउसद्वारा प्रकाशित सम्पूर्ण सामग्रीहरु ओखर न्यूज डट कमका सम्पत्ति हुन्।
पुन:प्रकाशन अघि अनुमति लिनुहोला।
सूचना
प्रेस काउन्सिल नेपाल द.नं. ४७२१-२०८१/०८२
सञ्चार रजिष्ट्रार द.नं. ००२७०/२०८१/०८२
अध्यक्ष – सन्तोष श्रेष्ठ
सम्पादक – अस्मिता कडवाल
