धादिङको रुवी भ्याली गाउँपालिकामा बागमती प्रदेशस्तरीय न्यायिक सम्मेलन–२०८३ आयोजना हुने भएको छ । 

सम्मेलन जेठ १६ र १७ गते रुवी भ्याली गाउँपालिका–३, सेर्तुङमा न्यायिक समितिको आयोजनामा बागमती प्रदेशस्तरीय सम्मेलनमा बागमती प्रदेशभित्रका ११९ स्थानीय तहका न्यायिक समिति संयोजक र प्रतिनिधिहरू सहभागि हुने,रुवी भ्याली गाउँपालिकाले सम्मेलनलाई सफल बनाउन आवश्यक तयारी तीव्र पारिएको छ । दुर्गम हिमाली क्षेत्रमा प्रदेशस्तरीय सम्मेलन हुन लागेको र यसले रुवी भ्यालीको पर्यटन तथा पहिचान प्रवर्द्धनमा समेत टेवा पुग्ने अपेक्षा गरिएको रुवी भ्याली गाउँपालिका उपाध्यक्ष एवम् न्यायिक समिति संयोजक फेलामा तामाङले ओखर न्यूज डट कमलाई जानकारी दिनुभयो ।

सम्मेलनमा स्थानीय तहमा न्याय सम्पादनलाई प्रभावकारी, सहज,नागरिकमैत्री, न्यायिक अभ्यास, स्थानीय तहमा देखिएका कानुनी चुनौती, मेलमिलाप तथा विवाद समाधानका विषयमा छलफल हुने बताइएको छ ।