प्रधानमन्त्री केपी शर्मा ओलीले बर्तमान सरकार देश बनाउन बनेको सरकार रहेको बताएका छन ।

नेपाली काँग्रेस र नेकपा एमालेको गठबन्धनको सरकार, सरकार बनाउनको लागि  बनाएको सरकार होईन देश बनाउनका लागि बनेको सरकार रहेकोले कसैलाई नझुक्कीन आग्रह गरे । महोत्तरीको गौशाला –१ रामनगरमा स्थापना गरिएको नेपाल पल्स एण्ड पेपर इण्डस्ट्रि प्रालिको बिहिबार समुदघाटन कार्यक्रममा बोल्नु हुँदै प्रधानमन्त्री ओलीले यो सरकार देश बनाउनको लागि बनाइएको सरकार रहेको बताउनु भएको हो ।  उनले पूर्व राजाको केहि दिन पूर्वको बक्तव्य मा प्रतिक्रिया दिदै भने,“राज तन्त्र फर्किन्छ भरै यो सरकार फालिन्छ, जस्ता कुरा को अब कुनै तुक नभएको बताए । उनले जनता ले राजा फलिसकेको बताउदै राजतन्त्र ब्यूतिने दिवा स्वपन मात्र भएको बताए । 
उनले भने, कोही कुर्सीमा वस्दैमा राजा बन्दैन, संविधानको बाटोभएर आउनुस तपाँई लोक प्रिय हुनु हुन्छ भने चुनावमा आउनुस, कहाँबाट लडनु हुन्छ मधेसबाट, पहाडवाट, पुुर्वबाट, पश्चिमबाट लोकतान्त्रिक विधी बाट आउनुस पार्टी दर्ता गराउनुस ।” “एउटा घोष्ट(छाया) अगाडी सारेर होईन आफुँ अगाडी सर्नुस न तपाई लोकप्रिय हुनु हुन्छ भने पार्टी खोल्नुस अथवा  खोलेकै पार्टीलाई आफनो भन्नुस ” प्रधानमन्त्री ओलीले उल्लेख गर्नु भयो । ​​​​​उहाँले बताउनु भयो अव यस देशमा सामन्ती राजतन्त्र आउने अथवा जन्मिदै राजा हुने दिन गए । जति सुकै क्षमता भए पनि रैति भएर बस्नु पर्ने यस्तो प्रणाली चल्दैन ।

अव जनताले राजतन्त्र स्विकादैन, मान्दैनन । हाम्रो संविधानले राजतन्त्र चिन्दैन राजतन्त्र जनताले फालि सकेका छन ।  प्रधानमन्त्री ओलीले उद्योग स्थापनाले चुलो चौकोमा सीमित महिला दिदी बहिनीका लागि पनि सीपका साथै रोजगारी सिर्जना गर्ने अवसर श्रृजना भएको बताउनु भएको छ ।  उहाँले आफ्नै कागज देशभित्र प्रयोग गर्ने अवसर र व्यापार घाटा सन्तुलनका लागि यस उद्योगले योग्दान दिई आत्मनिर्भर बनाउन सहयोग गर्ने विश्वास व्यक्त गर्नुभयो  । “अब हामी आत्मनिर्भरताको बाटोमा लाग्नुको अर्को कुनै विकल्प छैन । निजि क्षेत्रहरुको सहकार्यका माध्यमबाट युवाहरूले आपको खेती विकास गर्नु पर्ने र आपँबाट उत्पादित उद्योग खोल्न सुझाव समेत उहाँले दिनु भएको छ । 

आइएमई ग्रुपको यो उद्योग स्थापना भएसँगै नेपालमा पहिलो पटक नष्ट भएका कागजबाट नयाँ  कागज उत्पादन भएर आयात कम गर्न सहयोग पुग्नेछ । यस उद्योगले करिब तीन सयको रोजगारी दिनेछ । नेपालमा वार्षिक करिब डेड लाख मेट्रिक टन कागज खपत हुने गरेको छ।  वित्त र सेवा क्षेत्रमा स्थापित आइएमई समूहले उत्पादनमूलक क्षेत्रमा पनि लगानी विस्तार गरेको छ । करिब दुई अर्ब लगानीमा सञ्चालनमा आएको उद्योगबाट पुस्तक तथा कपीका लागि आवश्यक कागज उत्पादन हुने उद्योगका सञ्चालक समेत रहनु भएका आइएमई समूहका अध्यक्ष चन्द्रप्रसाद ढकालले जानकारी दिनुभएको छ । नेपालमा खपत हुने कागजबापत बर्सेनि अर्बौं रुपियाँ बाहिरिएकाले त्यसलाई प्रतिस्थापन गरी स्वदेशी वस्तुको उपयोग बढाउने उद्देश्य सहित उद्योग सञ्चालनमा ल्याइएको उहाँले जानकारी दिनुभयो । उद्योगमा दैनिक ७५ टनसम्म कागज उत्पादन गर्न सक्ने जडित क्षमता छ । माग बढेको अवस्थामा उत्पादन क्षमता पनि बढाउन सक्ने गरी तयारी अवस्थामा रहेको ढकालले जानकारी दिनुभयो ।
१९ बिघा क्षेत्रफलमा फैलिएको उद्योगमा करिब तीन सय जनाले प्रत्यक्ष रोजगारी पाएका छन् भने हजार भन्दा बढीले अप्रत्यक्ष रोजगारी पाउने उहाँले बताउनु भएको छ । स्थानीयलाई प्राथमिकता दिएर रोजगारी उपलब्ध गराइएको ढकालले जानकारी दिनुभयो ।