लामो समयदेखि पत्रकारितासँगै सामाजिक तथा राजनीतिक क्षेत्रमा सक्रिय युवा नेता सरोज अधिकारीले नेपाली कांग्रेसको १५ औँ महाधिवेशनअन्तर्गत धादिङ क्षेत्र नम्बर २ बाट महाधिवेशन प्रतिनिधि पदमा उम्मेदवारी घोषणा गरेका छन् ।

निलकण्ठ -७ तल्लो बेशीका स्थायी बासिन्दा अधिकारीले नेपाल विद्यार्थी संघको सक्रिय यात्राबाट कांग्रेसको राजनीतिमा जोडिएका उनी लामो समयदेखि पार्टीका संगठनात्मक गतिविधिमा सक्रिय रहँदै आएको पार्टी संगठनलाई थप सुदृढ, व्यवस्थित र प्रभावकारी बनाउने उद्देश्यसहित उनी १५औँ महाधिवेशनका लागि महाधिवेशन प्रतिनिधिका रूपमा अघि बढेका छन् । महाधिवेशन प्रतिनिधिका रूपमा उम्मेदवारी दिँदै अधिकारीले पत्रकारिताको लामो अनुभवबाट समाजका विभिन्न पक्षलाई नजिकबाट बुझ्ने अवसर पाएको उल्लेख गर्दै पार्टी संगठनलाई जनताका समस्या र अपेक्षासँग जोडेर अघि बढाउन आफूले योगदान गर्ने बताएका छन् । बदलिँदो समयअनुसार कांग्रेसको संगठनलाई युवा, प्रविधिमैत्री, गतिशील, समावेशी र जनमुखी बनाउनुपर्ने धारणा अघि सारेका छन् ।  युवाको ऊर्जा र अग्रजको अनुभवलाई प्रविधिसँग जोड्दै पार्टीलाई नयाँ पुस्तासँग थप नजिक बनाउन आफ्नो उम्मेदवारी रहेको उनको भनाइ छ । 

आगामी स्थानीय निर्वाचनमा मतदाताले उम्मेदवारको विगत, वर्तमान कार्यसम्पादन, क्षमता, नैतिकता र व्यवहारलाई आधार बनाएर निर्णय गर्नुपर्ने अधिकारीले बताएका छन् ।  पार्टीगत आबद्धतासँगै उम्मेदवारको व्यक्तिगत क्षमता र कार्ययोजनालाई समेत मूल्यांकन गर्नुपर्ने उनको धारणा छ । आफ्नो उम्मेदवारीलाई व्यक्तिगत आकांक्षाभन्दा पनि पार्टी संगठनलाई थप मजबुत बनाउने अभियानका रूपमा लिएको बताउँदै अधिकारीले धादिङ क्षेत्र नम्बर २ का कांग्रेस नेता तथा कार्यकर्ताको साथ र विश्वासको अपेक्षा गरेका छन् ।

अधिकारीको राजनीतिक यात्रामा लामो समयदेखि पत्रकारितासँगै सामाजिक तथा राजनीतिक क्षेत्रमा सक्रिय युवा नेता,नेपाल विद्यार्थी संघसँगको आबद्धता, विद्यार्थी संगठनका विभिन्न जिम्मेवारी, नेपाली कांग्रेसका महाधिवेशन तथा महासमिति बैठकमा सहभागिता र नेपाल प्रेस युनियनसँगको आबद्धता लगायतका अनुभव समेटिएका छन् । उनी नेपाल नगरपालिकासंघका केन्द्रीय सल्लाहकारका रूपमा काम गर्नुभएको अनुभव छ । अधिकारीले कांग्रेसका क्षेत्रीय प्रतिनिधिहरूसँग मत, साथ, सुझाव र विश्वासका लागि आग्रह गरेका छन् ।