नेपाली कांग्रेसको १५औँ महाधिवेशनअन्तर्गत केन्द्रीय महाधिवेशन प्रतिनिधि (श्रमिक) तिलक प्रसाद ढुङ्गानाले उम्मेदवारी घोषणा गरेका छन् ।
ढुङ्गानाले ‘श्रमको सम्मान गरौँ, श्रम शक्ति नै राष्ट्रिय शक्ति हो’ भन्ने नारासहित आफूलाई श्रमिक समूहबाट महाधिवेशन प्रतिनिधिका रूपमा अघि सारेका हुन् । जिल्ला तहदेखि धादिङ उद्योग वाणिज्य संघका कोषाध्यक्षसम्म विभिन्न सांगठनिक जिम्मेवारी सम्हालेको अनुभवका आधारमा आफूले उम्मेदवारी दिएको ढुङ्गानाले बताएका छन् ।
औपचारिक तथा अनौपचारिक क्षेत्रका श्रमिकको हकहित र अधिकार संरक्षणका विषयलाई प्राथमिकतामा राख्दै पार्टीमार्फत श्रमिकका समस्या समाधानका लागि आवाज उठाउने आफ्नो मुख्य उद्देश्य रहेको उनको भनाइ छ ।
उनले कांग्रेसका क्षेत्रीय प्रतिनिधि, वडा सभापति तथा पालिका सभापतिसहित सम्बन्धित प्रतिनिधिहरूसमक्ष आफ्नो पक्षमा मत दिन आग्रह गरेका छन् ।
गुरास मिडिया हाउसद्वारा प्रकाशित सम्पूर्ण सामग्रीहरु ओखर न्यूज डट कमका सम्पत्ति हुन्।
पुन:प्रकाशन अघि अनुमति लिनुहोला।
सूचना
प्रेस काउन्सिल नेपाल द.नं. ४७२१-२०८१/०८२
सञ्चार रजिष्ट्रार द.नं. ००२७०/२०८१/०८२
अध्यक्ष – सन्तोष श्रेष्ठ
सम्पादक – अस्मिता कडवाल
