ads

डोल्पा भ्रमणमा नीलकण्ठ नगरपालिकाको टोली, स्थानीय तहका असल अभ्यासबारे अनुभव आदानप्रदान

मंगलबार, मंसिर २, २०८३

theme

नीलकण्ठ नगरपालिका, धादिङका उपप्रमुख तथा न्यायिक समितिका संयोजक दीपक विश्वकर्माको नेतृत्वमा प्रमुख प्रशासकीय अधिकृत हरिदत्त कँडेलसहितको टोलीले डोल्पा जिल्लाका विभिन्न स्थानीय तह, सरकारी कार्यालय तथा महत्वपूर्ण स्थलहरूको अवलोकन गरेको छ ।

 

 

अवलोकनका क्रममा टोलीले ठूलीभेरी नगरपालिकाको न्यायिक समिति कार्यालयमा नगर उपप्रमुख एवं न्यायिक समिति संयोजक छिरिङ टोल्मा महतसँग भेटघाट गरेको थियो ।  भेटका क्रममा न्यायिक समितिको कार्यसम्पादन, न्याय निरूपण प्रक्रिया तथा स्थानीय तहमा न्यायिक सेवा प्रवाहका विषयमा अनुभव र सिकाइ आदानप्रदान गरिएको थियो । त्यसैगरी, ठूलीभेरी नगरपालिका वडा नं. ३ का वडाध्यक्ष भक्तबहादुर भण्डारीसँग भेटघाट गर्नुका साथै स्थानीय समुदायसँग अन्तरक्रिया गरिएको थियो ।  टोलीले डोल्पो क्याम्पससहित सदरमुकाम दुनैस्थित विभिन्न सरकारी कार्यालयहरूको समेत अवलोकन गरेको थियो ।

 

 

यसैक्रममा त्रिपुरासुन्दरी नगरपालिकाका विभिन्न स्थान तथा वडा नं. १ को अवलोकन गर्दै नगरपालिकाका वडा अध्यक्ष एवं नगर प्रवक्ता रामचन्द्र कुलालसँग भेटघाट गरिएको थियो । भेटका क्रममा स्थानीय विकास, सेवा प्रवाह तथा असल अभ्यासका विषयमा अनुभव र सिकाइ आदानप्रदान गरिएको थियो । अवलोकन भ्रमणका क्रममा धार्मिक तथा ऐतिहासिक महत्व बोकेको प्रसिद्ध त्रिपुरासुन्दरी मन्दिरको दर्शनसमेत गरिएको थियो। साथै, धादिङमा लाग्ने माई मेलासँग मिल्दोजुल्दो धार्मिक तथा सांस्कृतिक महत्व बोकेको यस क्षेत्रको मेला, परम्परा र संस्कृतिबारे जानकारी लिइएको थियो ।

 

 

यस अवलोकन भ्रमणले स्थानीय तहबीच आपसी सम्बन्ध विस्तार, अनुभव आदानप्रदान तथा न्यायिक सेवा प्रवाह र स्थानीय विकासका असल अभ्यासहरू सिक्न महत्वपूर्ण सहयोग पुग्ने अपेक्षा गरिएको छ।


यो खबर पढेर तपाईलाई कस्तो महसुस भयो ?
0%

0%

0%

0%

0%

अनि यो पनि

  • थप पढ्नुहोस् :
  • गुरास मिडिया हाउसद्वारा प्रकाशित सम्पूर्ण सामग्रीहरु ओखर न्यूज डट कमका सम्पत्ति हुन्।

    पुन:प्रकाशन अघि अनुमति लिनुहोला।

    गुरास मिडिया हाउस

    ओखर न्यूज डट कम

    धादिङबेशी, धादिङ

    Email: [email protected]

    फोन: ९८४१६५६५४४

    सूचना

    प्रेस काउन्सिल नेपाल द.नं. ४७२१-२०८१/०८२

    सञ्चार रजिष्ट्रार द.नं. ००२७०/२०८१/०८२

    अध्यक्ष – सन्तोष श्रेष्ठ

    सम्पादक – अस्मिता कडवाल