
धादिङको गङ्गाजमुना गाउँपालिका–५, फूलखर्कस्थित ढाँडखर्कको पहरामा प्रसिद्ध धार्मिक तथा सांस्कृतिक गङ्गाजमुना झरनामा लाग्ने यस मेलामा धादिङसहित विभिन्न जिल्लाबाट भक्तजन तथा पर्यटकहरू पुग्ने गर्छन् । गाउँपालिकाको नाम पनि यही धार्मिकस्थलबाट राखिएकाले गङ्गाजमुना स्थानीय भूगोल र सामूहिक पहिचानसँग जोडिएको छ। झरनानजिकैको ‘कुकुरधारा’मा स्नान गर्ने परम्परा पनि छ। त्यहाँ नुहाउँदा जनावरले टोकेको दोष निवारण हुने धार्मिक जनविश्वास छ। यस्ता विश्वासले यहाँका फरक जलधारा र पूजास्थललाई भक्तजनका आ–आफ्ना मनोकामनासँग जोडेको छ ।
समुद्री सतहबाट करिब १ हजार ८ सय मिटर उचाइमा रहेको यस झरनाको पानी करिब १ हजार मिटर माथिबाट खस्ने गर्दछ । झरनामा स्नान गरी मनले चिताएको कुरा मागेमा पूरा हुने जनविश्वास छ । झरना खस्ने पहराको बीच भागमा रहेको मन्दिरमा महादेवको पूजाआजा गर्ने परम्परासमेत छ । गंगाजमुना झरना पहराको टुप्पोबाट गंगा र जमुना नामका दुई छुट्टाछुट्टै धारामा खस्ने प्राकृतिक झरना हो ।
























गुरास मिडिया हाउसद्वारा प्रकाशित सम्पूर्ण सामग्रीहरु ओखर न्यूज डट कमका सम्पत्ति हुन्।
पुन:प्रकाशन अघि अनुमति लिनुहोला।
सूचना
प्रेस काउन्सिल नेपाल द.नं. ४७२१-२०८१/०८२
सञ्चार रजिष्ट्रार द.नं. ००२७०/२०८१/०८२
अध्यक्ष – सन्तोष श्रेष्ठ
सम्पादक – अस्मिता कडवाल